ننګرهار کې د ختیځ زون په کچه دغنمو اصلاح شویو تخمونو پاکارۍ چارې روانې دي
۱۶ وږي ۱۴۰۲ه.ش
۲۱ صَفَرُ المُظَفَّر ۱۴۴۵ه.ق
د ننګرهار د کرنې، اوبولګولو او مالدارۍ ریاست وایي، چې ننګرهارکې ډیری کرنیزو شرکتونو د غنمو د صلاح شوي تخمونو د پاکولو کارونه په چټکۍ سره روانې کړي دي.
دغه راز هلال هډه وال کرنیز شرکت هم خپل د غنمو تولید کړي ۳۵۰ مټریک ټنه تخمونو د پاک کارۍ، پروسیس او ګڼو نورو مرحلو لړۍ پیل کړه، چې سږ کال یې له ۵۰۰ جریبه کرنېزې ځمکې څخه ترلاسه ته کړیده .
د یاد شرکت مسؤل ډاکټر عبدالغفار لودین په وینا د غنمو تخمونه ددې شرکت د فني او تخنیکي ټیم پر مټ روزل شوي او تولید شوي، چې د ننګرهار پر ۵۰۰ جریبه ځمکه کرل شوې وه.
ددغو غنمو د پروسس مرحله نن پیل شوه چې په ښکلې بارجامه کې به بزګرانو ته وړاندې شي .
هلال هډه وال کرنیز شرکت مسؤلین تمه لري چې کروندګر به ددوي د اصلاح شوي تخمونو په کارولو سره د ډېر حاصل تر لاسه او د خوړوخوندیتوب به رامنځته شي .
همدارنګه هلال هډوال کرنیز شرکت د راتلونکي کال لپاره د ۱۵۰۰ میټریک ټنو غنمو د اصلاح شوي تخم د تولید وړاندوینه کړې ده.
