د لغمان دوو ولسوالیو کې پر یوشمېر مالدارانو د څارویو خوراکي توکو وېش لړۍ پیل شو
۱۴ وږي ۱۴۰۲ه.ش
۱۹ صَفَرُ المُظَفَّر ۱۴۴۵ه.ق
د لغمان دکرنې، اوبولګولو او مالدارۍ ریاست ددې ولایت د علینګار او علیشنګ ولسوالیو پر هغو ۷۰ مالدارانو چې تر دوې وړاندې د ډاکار مؤسسې له خوا ورته وزې ورکړل شوي ؤ، د یادو څارویو د سالمې تغذیې په پار پر دوی د څارویو خوراکي توکي او درمل وېشل کېږي.
ددې مرستې په لړ کې هرې کورنۍ ته ۵۰ کیلوګرامه کنجاړه، ۵۰ کیلوګرامه بور، یو کیلوګرامه منرالي پوډر، سل سي سي د چنجیو وژونکی درمل او ۹۰۰ ګرامه د رشقې تخم ورکول کېږي.
ددې مرستې موخه د بې وزله کورنیو ملاتړ او په ټوله کې په دې ولایت کې د مالدارۍ سکټور ودې او پراختیا ته زمینه برابرول دي.
