ننګرهار کې ۷۹۰ بزګرانو سره دغنمو اصلاح شوي تخمونو او کیمیاوي سرو مرسته کېږي
۱۴ وږي ۱۴۰۲ه.ش
۱۹ صَفَرُ المُظَفَّر ۱۴۴۵ه.ق
د ننګرهار د کرنې، اوبولګولو او مالدارۍ ریاست سره په همغږۍ د ننګرهار په ۲ ولسوالیو کې ۷۹۰ تنو بزګرانو سره د اصلاح شوی غنمو او کیمیاوی سرو مرستو سروي پیل شوه .
د ننګرهار د کرنې، اوبولګولو او مالدارۍ رییس مولوي عبدالستار محمد وویل د د بشري خیریه مؤسسي په همکارۍ په ۲ ولسوالیو لعلپوري او مومندرې کې ۷۹۰ بزګرانو سره د غنمو اصلاح شوي تخمونو او کیمیاوی سرو د مرستو په پار سروي روانه ده .
ددې مرستې په ترڅ کې، هر بزګرته دغنمو ۲۵ کیلو اصلاح شوي تخم، ۲۵ کیلو توره، ۵۰ کیلو یوریا سره او کرنیز وسایل ورکول کېږي.
بشري خیریه مؤسسه د غنمو د اصلاح شوي تخمونو ترڅنګ د کانالونو پاکولو، بیارغونې او بزګرانو ته د کورنیو باغچو جوړول، کرنیز وسایلو او د نغدو پیسو د ورکړي پروژې هم پلي کوي.
