د کارکوونکو وړتیاو لوړنې په پار هڅې؛ د ننګرهار کانال شرکت ۱۶ کارکوونکي وروزل شول
۱۳ وږي ۱۴۰۲ه.ش
۱۸ صَفَرُ المُظَفَّر ۱۴۴۵ه.ق
د ننګرهارکانال شرکت چارواکي وایي، چې ددې شرکت اړوند ۱۶ تنه د سواد زده کړې له نهه میاشتنۍ کورس څخه فارغ شول .
د سواد زده کړې ددې نهه میاشتنۍ کورس څخه چې د سرخ رود سواد زده کړې مدیریت له لوري د ننګرهارکانال شرکت دننه جوړه شوې وه، شپاړس تنه کارګر، اجیران، ملازمان، او باغبانان فارغ او نن پرې تصدیقپاڼې ووېشل شوې .
پدې اړه په جوړه شوې غونډه کې د ننګرهار کانال شرکت د بشري سرچينو امر، د مطبوعاتو لوی مدير، د سرخ رود سواد زده کړی مدير، پوهنې رياست نظارت غړو او ښوونکو ونډه لرله.
