ننګرهار کې د چرګانو صنعت د ودې په پار هڅې؛ د چرګانو ټولنې مشر ټاکنې ترسره شوه
۱۲ وږی ۱۴۰۲ه.ش
١۷ صَفَرُ المُظَفَّر ۱۴۴۵ه.ق
د ننګرهار دکرنې، اوبولګولو او مالدارۍ ریاست سره په همغږۍ د چرګانو صنعت د واحدې اتحادي د مشرۍ لپاره دمختلفو اتحادیو له لورې انتخابات ترسره شول .
دننګرهار کرنې، اوبولګولو او مالدارۍ ریاست د مالدارۍ خدمتونو او څارویو روغتیا امر ډاکتر محمد ضمیر بهسودي د ګډونوالو ته د کرنې، اوبولګولو او مالدارۍ وزارت د چرګانو د صنعت د پراختیا طرزالعمل شریک او د وزارت د اصولو له مخي د مشرانو د ټاکلو سپارښتنه وکړه.
ددې ټاکنې په ترڅ کې د رایو په تائید سره حاجي توریالې کاکړ د رییس او فضل محمد سیار د ددې ټولنې د مرستیال په توګه وټاکل شول.
دغه راز د ټولنې د مشرانو د ټاکلو په غونډه کې د چرګانو روزونکو ټولنو، پولټري داکترانو ټولنه، د چرګانو واریدونکو ټولنه، چرګانو د دانې تولیدونکو ټولنه او د ننګرهار ولایت په کچه د چرګانو فارم لرونکو برخه اخیستي وه؛ چې ټولو ټولنو په یو اتفاق ددې سکتور لپاره حاجی توریالي د رییس اوفضل محمد سیارد مرستیال په توګه و ټاکل.
