د لوګر د کرنې رییس یو شمیر بزګرانو او پانګوالو سره وکتل
د لوګر ولایت د مرکز پُل علم په ګډون د برکي، محمدآغې او څرخ ولسوالیو بېلابطلو سیمو بزګرانو او د رومي بانجانو پانګوالو د لوګر دکرنې، اوبولګولو او مالدارۍ ریاست له رییس مولوی سیدامین هاشمي سره وکتل.
د راغلو بزګرانو او پانګوالو په استازولی څو تنو خبرې وکړې او د اړوندو سیمو د کروندګرو ستونزې او غوښتنې یې د کرنې او مالدارۍ ریاست له مسؤولینو سره شریکې کړې.
یو تن بزګر په خپلو خبرو کې وویل، چې سږ کال په دغه ولایت کې د رومیانو حاصلات د تېرو کلونو په پرتله ښه دی خو نرخونه یط چندان ښه ندي، د یاد ریاست له مسؤولینو یط وغوښتل، تر څو د رومیانو پلور ته د هېواد دننه او بهرنیو هېوادونو کې د پلور بازار برابر کړي.
د لوګر دکرنې او مالدارۍ رییس مولوی سیدامین هاشمي د راغلو بزګرانو او پانګوالو ستونزې واورېدې او ویې ویل، چی د دوی ستونزې او غوښتنې به د کرنې او مالدارۍ وزارت له مشرتابه سره شریکط کړی او هڅه کوی چې ورته د حل لار ولټوی.
