ننګرهار کې د ځمکې غصب مخنیوی او غصب شویو ځمکو بېرته راکرځولو تخنیکي پلاوی غونډه دائره شوه

۱۹ زمری ۱۴۰۲ه‍.ش
۲۳ مُحَرَّمُ الحَرام ۱۴۴۵ه‍.ق
د ننګرهار ولایت د امارتي، سلطاني، مرعي او وقفي ځمکو د غصب مخنیوي او غصب شویو ځمکو بېرته راکرځولو تخنیکي پلاوي د ننګرهار کرنې ادارې او تخنیکي پلاوي رییس مولوي عبدالستار محمد په مشرۍ غونډه ترسره شوه، چې په کې پر مهمو موضوعاتو باندې لنډ بحث او رڼا واچول شوه.
ددې غونډې په ترڅ کې پر بېلابېلو موضوعاتو د خبرو اترو ترڅنګ پر یوشمېر دوسیو او عریضو مهمې پرېکړې وشوې.
دغه راز تخنیکي پلاوي غړو چې تېره ورځ د مختلفو سیمو څخه لیدنه ترسره کړې وه،  وروسته غونډه کې پرې  بحث وشو او پریکړه وشوه، چې بر کاشکوټ ځمکي معلومات د سیمی د خلکو سربېره د اداراتو څخه هم وشي اسناد او دوسیه یې مرکزي کمیسیون ته واستول شي .
  کابل هډي سیمه کې دکورونو د خلکو، د کانال،  ښارجوړونې او ښاروالۍ څخه استعلامونه وشي او راپور یې  ترتیب او وروستيو کړنو په موخه مرکزي کمیسیون ته ولېږل شي.
 همدارنګه  پرېکړه وشوه، چې ګمبیري ځمکه چې ۴۴ زره ۱۴۵ جریبه، ۲ بسوي او ۱۲ بسواسي ده اسناد یې ترتیب او وروستيو کړنو لپاره مرکزي کمیسیون ته واستول شو. 
په ورته وخت کې  د اداراتو او ولسي وګړو پر عرایضو بحث وشو او پر ډېرې برخو کې پرېکړه وشوه، ترڅو د عامه ملکیتونو دمینځه تللو مخنیوي وشي.