سفر تیم تخنیکی ریاست زهکشی و اصلاح زمین‌های زراعتی به ولایت بغلان

۱۸ سرطان ۱۴۰۴ هـ.ش
به هدف تطبیق برنامه‌های سروی تخنیکی در بخش شبکه‌های زهکشی، تیم انجنیری ریاست زهکشی و اصلاح زمین‌های زراعتی به ولایت بغلان سفر نمود.
در جریان این سفر، هیأت یادشده پس از دیدار با مولوی عبدالکریم حذیفه رئیس زراعت، آبیاری و مالداری بغلان و سایر مسئولین مربوطه، به ولسوالی بغلان مرکزی رفته و پس از هماهنگی با ادارات محلی، کار سروی تخنیکی شبکه‌های زهکشی قراء شفیع‌خیل، خلازی، کهنه‌قلعه و دیگر قریه‌های مربوطه را با همکاری باشندگان محل، دهاقین و زمینداران آغاز کردند.
قرار است پروژه‌های یادشده در سال جاری طراحی، برآورد و مطابق پلان مالی تصویب‌شده، عملی گردد.