خوست کې د چرګانو پر فارم لرونکو د چرګانو دانې ووېشل شوې
۲۸ وږی ۱۴۰۱ه.ش
۲۲صَفَرالمظفّر ۱۴۴۴ ه.ق
د خوست دکرنې، اوبولګولو او مالدارۍ ریاست د پاملرنې مؤسسې د (LAMP) پروژې په مرسته په دې ولایت کې د چرګانو پر ۲۳۳ فعالو فارمونو د چرګانې دانې وېشلي دي.
د خوست دکرنې ریاست د چارواکو په خبره په تېرو درېوو کالو کې په دې ولایت کې ۲۴۳ ګټه اخیستونکو ته د چرګانو کوچني فارمونه وېشل شوې ول، چې اوسمهال ۲۳۳ فارمونه یې فعال دي، چې د همدې پروژې له لارې د فعالو فارمونو ګټه اخیستونکو ته ۲۰۰ کیلوګرامه د چرګانو دانې وېشل شوي دي.
ددې مرستې موخه په دې ولایت کې د چرګانو صنعت ته وده ورکول او ترڅنګ یې د بېوزله کورنیو اقتصادي پیاوړتیا ته زمینه برابرول دي.
