خوست کې د پنځو چکډېمونو چارې په بشپړېدو دي
۶ غویی ۱۴۰۴ ه.ش
۲۸ شَوّالُ المُکَرَّم ۱۴۴۶ه.ق
د خوست دکرنې، اوبولګولو او مالدارۍ ریاست چارواکي وايي، چې ددې ولایت د ځاځي میدان، باک او صبریو ولسوالیو کې د پنځو جوړېدونکو چکډېمونو له ډلې د دوو چکډېمونو رغنیزې چارې په بشپړېدو او د پاتې نورو به یې په نږدې راتلونکې کې بشپړې شي.
د خوست دکرنې ریاست چارواکي وایي، چې د باک ولسوالی د توتاک او د صبریو ولسوالی د زمبر چکډېمونو رغنیزې چارې ۹۰ سلنه بشپړې شوي دي، چې په نږدې راتلونې کې به جوړ او ګټېاخيستنې ته سپارل شي.
د یادو چارواکو په خبره د ځاځي میدان ولسوالی اړوند د چکډېمونو او د صبریو ولسوالی اړوند د زمبر چکډېم رغنیزې چارې به په نږدې راتلونکې کې پیل شي.
د یادو د چکډېمونو د جوړېدو چارې د یاد ولایت د کرنې رياست تر څارنې لاندې د ملګرو ملتونو د خوړو او کرنې ادارې په همکارۍ ترسره کېږي.
ورته مهال د ياد ولايت اوسېدونکو د دغه چکډېم په جوړېدو خوښي ښودلې او په راتلونکي کې يې له دولت څخه د ورته نورو پراختيايي او رغنيزو پروژو د پلي کېدو غوښتنه کړې ده.
