د بلخ په ولایت کې د کرنیزو محصولاتو مدیریت د ۸۲۰ پروژو د پلي کېدو چارې پیل شوې

user-admin
چهارشنبه ۱۳۹۹/۲/۲۴ - ۲۲:۴
کار تطبیق ۸۲۰ پروژه‌ی مدیریت محصولات زراعتی در ولایت بلخ آغاز شد


۲۴ غویی ۱۳۹۹
بلخ کې د کرنیزو محصولاتو مدیریت د پروژې په اډانه کې د ٤٠٥ ميليونه افغانيو په ارزښت  د ۸۲۰ پروژو د پلي کېدو چارې، نن یاد ولایت ته د مالیې وزارت سرپرست عبدالهادي ارغندیوال او د کرنې وزارت د اوبولګولو او طبیعي سرچینو مرستیال حشمت الله غفوري د سفر په ترڅ کې رسماً پیل شوې.
ددغو پروژو په پیل غونډه کې، د بلخ ولایت والي محمداسحاق رهګذر، د ازبیکستان هېواد لوی سفیر، د بلخ د ولایتي شورا مشر او ددې ولایت یو شمېر چارواکي شتون درلود.
ټاکل شوې، چې د کرنې وزارت په بلخ ولایت کې د کرنیزو محصولاتو مدیریت د طرحې په اډانه کې، ۲۰۰ ممیزخونې، د پیازو ۴۰۰ زېرمتونونه، د کچالو ۱۰۰ زېرمتونونه او د مېوې د زېرمه کولو په پار ۲۰ صفر انرژۍ سارک سړې خونې جوړ کړي. دغه راز ددې طرحې په اډانه کې د سبو او مېوو ۱۰۰ وچوونکي دستګاوې، چې په لمریزه انرژۍ کار کوي، پر بزګرانو او بڼوالو وېشل کیږي.
د کرونا په پېر کې د کرنیزو محصولاتو د مدیریت طرحه د کرنې وزارت له خوا چمتو او د ولسمشر محمداشرف غني او عالي اقتصادي شورا له خوا منظور شو.
دغه طرحه، د بڼوالو او بزګرانو اړتیاوو ته په کتو، د دوی لپاره کرنیز بنسټونه جوړوي. بزګران او بڼوال د دغو بنسټونو د جوړولو  یوازې ۱۰ سلنه لګښت ورکوي او ۹۰ سلنه نور لګښت یې د کرنې وزارت له خوا ورکول کیږي.
ددې طرحې په اډانه کې، په بېلابېلو ولایتونو کې بڼوالو او بزګرانو لپاره زرګونه ممیزخونې، د پیازو او کچالو زرګونه زېرمتونونه او د مېوو د ساتنې په پار سلګونه صفر انرژۍ سارک سړې خونې جوړیږي. دغه راز ددې برنامې پر اساس، پر بڼوالو او بزګرانو د مېوو او سبو زر وچوونکي آلې هم وېشل کیږي.
دغه طرحه د روان مالي کال تر پایه په بشپړه توګه عملي کیږي او د پلي کېدو پر وخت او له هغه وروسته زرګونو کسانو ته د کار زمینه برابروي.
تر دې وړاندې د کرنیزو محصولاتو د مدیریت د طرحې د پلي کېدو چارې د هېواد په ډېرو ولایتونو کې پیل شوي دي.

تازه ترین اخبار

شنبه ۱۴۰۴/۶/۱ - ۱۰:۳۰
Background image

پکتیکا کې د اوبیزو حوزو د مدیریت پروژه پيل شوه

۱ وږی ۱۴۰۴ هـ.ش
۲۹ صَفَر المُظَفَّر ۱۴۴۷ هـ.ق
د پکتیکا ولایت د کرنې، اوبولګولو او مالدارۍ ریاست تر چتر لاندې، د ټیلو مؤسسې لخوا د زیانمنو ټولنو د معیشت د ښه‌والي او د اسیب‌پذیرۍ د کمولو. . .

پنجشنبه ۱۴۰۴/۵/۳۰ - ۱۱:۲۴
Background image

د کندهار سپین بولدک کې د ګمرک جوړولو لپاره څه باندې زر جریبه ځمکه رسماً د ګمرک ریاست ته وسپارل شوه

۳۰ زمری ۱۴۰۴ هـ.ش
۲۷ صَفَر المُظَفَّر ۱۴۴۷ هـ.ق
د اسلامي امارت د زعیم، عالیقدر امیرالمؤمنین شیخ صاحب حفظه الله تعالی ورعاه د حکم پر اساس او د کندهار د کرنې، اوبولګولو او مالدارۍ ریاست. . .

پنجشنبه ۱۴۰۴/۵/۳۰ - ۱۱:۷
Background image

روزګان کې د باران‌سنج آلې د نصب او فعالولو روزنیز پروګرام دایر شو

۳۰ زمری ۱۴۰۴ هـ.ش
۲۷ صَفَر المُظَفَّر ۱۴۴۷ هـ.ق
د روزګان ولایت د کرنې، اوبولګولو او مالدارۍ ریاست د کرنې وزارت له کارکوونکو سره په همکارۍ د «د باران‌سنج آلې د نصب او فعالولو طریقه» تر. . .

بازگشت