دکرنې وزیر د مالیې سرپرست وزیر سره د کرنې وزارت پر پروژو او برنامو خبرې وکړې
۱۶ زمری ۱۴۰۰
دکرنې، اوبولګولو اومالدارۍ وزیر ډاکټر انوارالحق احدي، د مالیې سرپرست وزیر محمدخالد پاینده سره د کرنې وزارت د برنامو او پروژو په هکله خبرې وکړې.
په دې غونډه دکې د روان کال پر وچکالۍ او د وچکالیو پر وړاندې د مبارزې په پار د حکومت پر برنامو هم خبرې وشوې.
د مالیې سرپرست وزیر امکاناتو او د بودیجې محدودیت ته په اشارې سره، د کرنې او خوړو خوندیتوب بېړنۍ پروژې (EATS) د پروژو د بودیجې زیاتوالي او تمویل په هلکه د ماليې وزارت پر چمتووالي خبرې وکړې. هغه دغه راز وویل، چې دکرنې او مالدارۍ د برخې د ټولو بېړنیو پروژو ستونزې د ې د تخنیکي کمېټې له لارې حل شي او پاتې نور اختیاري پروژې چې د افغانستان اسلامي جمهوریت د کابینې د پرېکړې پر اساس تنقیص شوي دي، تنقیص شوي شمېرل کېږي.
دمالیې سرپرست وزیر زیاته کړه، د کرنې وزارت کولای شي، خپل هغه، پروژې چې لومړیتوب لري د غیر اختیاري بودیجې له لارې تأمین کړي.
