د پکتیا ولایت د غصب مخنیوي او غصب شویو ځمکو د تشخیص او تثبیت پلاوي غونډه دائره شوه
۲ غبرګولی ۱۴۰۲ه.ش
۳ ذو القعدة ۱۴۴۴ ه.ق
د پکتیا ولایت د غصب مخنیوي او غصب شویو ځمکو د تشخیص او تثبیت تخنیکي پلاوي اونیزه کاري غونډه تر سره کړه.
یاده غونډه چې د پکتیا ولایت د احکامو او فرامینو د تعقیب او نظارت ریاست کې جوړه شوې وه پکې د غصب د مخنیوي او غصب شویو ځمکو د تشخیص او تثبیت تخنیکي پلاوی غړو ګډون درلود.
د غونډې په پیل کې د پکتیا ولایت د غصب مخنیوي او غصب شویو ځمکو د تشخیص او تثبیت تخنیکی پلاوي سرپرست رییس مولوي محمد محمدي غونډې ته د پیل وینا واوروله او همدارنګه یې د تېرې اوونۍ د کاري پلان مطابق د ترسره شویو اجرااتو او تر لاسه شویو پایلو اړوند معلومات وړاندې کړل.
ورپسې د تخنیکي پلاوي غړو په نوبتي ډول د تېرې اوونۍ د ترسره شویو اجرااتو او په راتلونکې اوونۍ کې د تخنیکي پلاوي د چارو د لاښه والي اړوند خپل نظرونه شریک کړل.
په دې غونډه کې دغه راز د غصب مخنیوي او غصب شویو ځمکو د تشخیص او تثبیت تخنیکي پلاوي ګرځنده ټیم کې به د تخنیکي هیئت ټول غړي په نوبتي ډول ګډون کوي او سفرونه به ترسره کوي. په همدې توګه د تخنیکي پلاوي کوم غړي، چې د ګرځنده پلاوي سره د تخنیکي پلاوي د رسمي غونډو په ورځ په سفرونو کې برخه اخلي په رسمي غونډو کې به حاضر حسابېږي. د ستونزمنو موضوعاتو د حل په پار د مرکزي کمیسیون د غړو سره لیدل، محاکم باید دوسیې د امارت د قضایاوو آمریت په عنوان راولېږي، نه د تخنیکي پلاوي په عنوان.
د غونډې په ورستیو شیبو کې تخنیکي پلاوي د رباط چوڼۍ، دولت زیو، د تېرې نیام خېلو، حلیم کلا او حبیب الله د خلکو سره ولیدل او د نویو تصرفاتو څخه په کلکله منع شول. د تخنیکي هیئت غړو ډاډ ورکړ چې د ځمکو د غصب مخنیوي او غصب شوو ځمکو د استرداد مقررې او د افغانستان اسلامي امارت د نافذه قوانینو په رڼا کې به د مشکوکو امارتي ملکیتونو اړوند املاکي تحقیقات ترسره کوي تر څو امارتي ځمکې له شخصي ځمکو سره تفکیک شي.
