د بهرنيو مؤسسو له استازو سره دکرنې، اوبولګولو او مالدارۍ وزارت د مشرتابه غونډه

۷/صفر المظفر/۱۴۴۳هـ.ق
 ۲۴/وږی/۱۴۰۰هـ.ش
دکرنې، اوبولګولو او مالدارۍ وزارت سرپرست محترم مولوی  عبدالرحمن راشد او د ياد وزارت مرستيالانو  مولوی فضل ربي فضلي، مولوی صدراعظم او د ا.ا.ا د کرنې کمېسیون غړو او بهرنیو مؤسسو استازو ترمنځ غونډه دائره شوه.
ياده غونډه د عظيم الشان قرآن د څو مبارکو آيتونو په تلاوت  سره پيل شوه.
په دې غونډه کې د ياد وزارت د پراختيايي پروژو cpmo" Clap ،SNapp2،CBARD ،Eats" او دملګروملتونو د خوړو او کرنې ادارې FAO استازو ګډون درلود. په غونډه کې د کرنې وزارت د پراختيايي پروژو استازو وويل، چې د ياد وزارت ډېری پراختيايي پروژې د نړيوال بانک او اسيايي پراختيايي بانک له خوا تمويليږي، چې دکرنې وزارت سره په بېلابېلو برخو له ډلې د اصلاح شويو تخمونو، درملو د وچو او لمدو مېوو د پروسس ماشینونو، اصلاح شویو نیالګیو اوبزګرانو ته د دوا شېندلو ماشینونو او ټراکټورونو وېش او نورو برخو کې فعالیت درلود.
دوی په دې غونډه کې ژمنه وکړه، چې دکرنې او اوبولګولو په برخه کې به خپلې چارې دتېر په څېر پيل او لانوره هم ورته پاملرنه زياتوي او په يادو برخو کې به دکرنې وزارت سره پوره او هراړخيزې همکارۍ کوي.
دکرنې وزارت چارواکو د پروژو چارواکو ته بشپړ ډاډ ورکړل او ټينکار يې وکړل، چې ژر تر ژره دې خپل فعاليتونه له سره پيل کړي.
د بهرنيو پروژو استازو دکرنې وزارت له هر اړخيزو همکاريو مننه وکړه او ياده غونډه د خير په دعا سره پای ته ورسېده.