د پراختيايي بوديجې د لګولو په پار د کرنې وزارت د مشرتابه غونډه په لاره واچول شوه
۱۲غويی۱۴۰۰
د پروژو پلي کېدو، د رياستونو ارزونې، د پراختيايي بوديجې د لګولو او د غنمو د پېرلو په پار دکرنې، اوبولګولو او مالدارۍ وزارت د مشرتابه غونډه په لاره واچول شوه.
په دې غونډه کې لومړی دکرنې وزارت مالي او اداري مرستيال عبدالهادي رفيعي د پروژو او رياستونو د مالي او تدارکاتي پلانونو او د پراختيايي بوديجې په لګولو کې پر ټاکلي موخې جزييات وړاندې کړل.
دغه راز دکرنې، اوبولګولو او مالدارۍ وزير ډاکټر انوارالحق احدي وويل، چې ددې وزارت اساسي لومړيتوب د پروژو پروخت پلي کېدل، د چوپړتياوو د وړاندې کولو چټکتيا او له مخکې د ټاکل شويو موخو پر اساس د پراختيايي بوديجې لګول دي.
دکرنې وزير ټينګار وکړ چې د پروژو په پلي کولو کې خنډ او ځنډ د منلو وړ نه دي او مسوولينو سره بايد اصولي چلند وشي.
