روان کال د پیازو د تولیداتو کچه زیاته شوې

۶ مرغومې ۱۳۹۹
د وړاندوینو پراساس، د تېرکال په پرتله د پیازو د سږني تولیداتو کچه ۱۰ تر ۲۰ سلنه زیاته شوې ده. تېرکال د هېواد په کچه درې زره او ۵۲۰ مټریک ټنه پیاز تولید شوې وه. سږکال د هېواد په کچه په ۱۸ زره او ۳۴۰ هکټاره ځمکه کې پیاز کرل شوې وه، او اټکل کیږي، چې د تېرکال په پرتله یې حاصلات ۱۰تر۲۰ سلنه زیات شي.
تېرکال د زېرمتونونو د نشتون له وجې ددې مهم کرنیز محصول ډېره برخه د څه باندې ۲۹ میلیونه ډالرو په رازښت له هېواده بهر صادر شول. خو سږکال، د کرنیزو محصولاتو مدیریت د پروژې په پلي کېدو سره، د هېواد په ۳۴ ولایتونو کې د پیازو د درې زره او ۲۰۷ زېرمتونونو د رغولو چارې پیل شوې، چې د یادو زېرمتونونو له ډلې د ډېرو هغو چارې بشپړ او ګټې اخیستنې ته وسپارل شول. یاد زېرمتونونه هریوه یې د ۴۵ ټنه پیازو د ساتنې وړتیا لري.
پیاز له ترټولو پخوانیو سبو څخه دی، چې هرکال په هېواد کې په پراخه کچه مصرفیږي. پیاز بېلابېل ډولونه لري؛ ژېړ، سپین او سره، چې هر ډول یې په بېلابېلو ډولونو کارول کیږي.
تخار، لوګر، کابل، پروان او سرپل د هېواد هغه ولایتونه دي، چې ډېر پیاز تولیدوي.