بلخ کې د پیازو د زېرمتونونو رغنیزې چارې د بشپړېدو په درشل کې دي
۵ لړم ۱۳۹۹
د بلخ په ولایت کې د پیازو د نویو زېرمتونو رغنیزې چارې ۸۰ سلنه بشپړ شوي دي او پاتې چارې به یې هم تر راتلونکو ۲۰ ورځو پورې بشپړ او ګتې اخیستنې ته به وسپارل شي.
د کرنې، اوبولګولو او مالدارۍ وزارت د کرنیزو محصولاتو مدیریت د پروژې په اډانه کې د ۱۴۷ میلیونه او ۷۰۱ زره او ۴۰۰ افغانیو په لګښت په بلخ ولایت کې د پیازو د ۳۰۰ زېرمتونونو چارې څو میاشتې مخکې پیل کړي دي. ددغو زېرمتونونو د جوړولو ۱۰ سلنه لګښت د برخمن شویو بزګرانو او ۹۰ سلنه نور لګښت یې د کرنې وزارت له خوا ورکول کیږي.
د بلخ د کرنې ریاست وایي، چې ددغو زېرمتونونو په جوړېدو سره ددې ولایت څلور زره او ۵۰۰ مټریک ټنه پیاز زېرمه کیږي.
