کندهار کې د امارتي ځمکو د غصب مخنیوی او غصب شویو ځمکو د بېرته راګرځولو په پار هلې ځلې

دکندهار ولایت د امارتي ځمکودغصب مخنیوی اوغصب شویوځمکو بېرته راګرځولو تخنیکي ټیم د یاد ټیم رییس مولوي محمود مظلوم په مشرۍ  ژړی ولسوالی ته د سفر په ترڅ کې ددې ولسوالی ولسوال مولوی اختر محمد عدالت سره دده د کار په دفتر کې وکتل.
ددې کتنې په ترڅ کې د ژړی ولسوالی ولسوال مولوی اختر محمد عدالت په دې ولسوالی کې د ځمکې د غصب په موخه یاد پلاوی ته هر اړخیز معلومات وړاندې کړل.
د غونډې په پای کې تخنیکي پلاوی او د ژیړی ولسوالی څخه ټاکل شوی پلاوی د څارنې، تشخیص او تثبیت په پار سیمې ته ولاړل، چې په ترڅ کې یې د ژیړی ولسوالی په شمال کې د کادسټر او املاکو نقشې له مخې ۱۷۵۷۳.۷۳ جریبه ځمکه غصب شوې ځمکه تثبیت شوه.
یاد پلاوي په دې سفر کې د تخته ژړی  ولسوالی له یوشمېر قومي مخورو سره وکتل او د ځمکو تشخيص، تثبیت کولو او د شخړي او لانجي او هوارولو په اړه له دوی سره خبرې اترې وکړې.
په دې اړه غونډه کې، د ځمکې غصب مخنیوی کمیسیون د مشرانو له خوا دغه راز د ځمکي غصب مخنیوي او د غصب شویو ځمکو د بېرته راګرځولو په پار د عالیقدر امیرالمؤمنین حفظ الله د فرمان او د اسلامي امارت د کابینې پرېکړې په پار هم ټولو مشرانو ته مالومات وړاندې کړل او له دوی څخه وغوښتل، چې د امارتي ځمکې د غصب څخه دې لاس واخلي او غصب شوي ځمکې دې بېرته امارت را وګرځوې او د امارت د قانون او اصولو پر اساس دې ځمکې په اجاره ونیسي.
باید وویل شي، چې کندهار کې د ځمکې د غصب مخنیوی او غصب شویو ځمکو د بېرته را ګرځولو د کمېټه تر دې دمه په دې ولایت کې د ډېرو امارتي ځمکو د غصب مخنيوی کړی او د ټول ولایت په کچه د ځمکو د‌ غصب د مخنيوي او د‌ غصب شويو ځمکو د‌ بېرته ګرځولو په موخه يې د عملياتي پلان تطبيق جريان لري.