په افغانستان کې د ملګرو ملتونو د سیاسي استازولۍ(یوناما) پلاوی د هلمند دکرنې ریاست له چارواکو سره وکتل
۲۵ وری ۱۴۰۴ ه.ش
په افغانستان کې د ملګرو ملتونو د سیاسي استازولۍ(یوناما) پلاوی د هلمند دکرنې ریاست له چارواکو سره په لیدنه کې پر بېلابېلو موضوعاتو خبرې اترې وکړې.
په دې ناسته کې په افغانستان کې د ملګرو ملتونو د سیاسي استازولۍ(یوناما) د سوېل لویدیځ زون د سیاسي برخې مسؤل عبدالحکیم احدي او د کابل مرکزي دفتر د سیاسي څانګې استازي مارکو ګډون درلود.
د لیدني په ترڅ کې راغلي پلاوي د خپل سفر موخې بیان کړل. په افغانستان کې د ملګرو ملتونو د سیاسي استازولۍ(یوناما) د کابل مرکزي دفتر د سیاسي څانګې استازی مارکو څرګنده کړه، چې د یوناما سیاسي دفتر د افغانستان په کچه هڅه کوي بشري مرستې همغږې کړي، د بشري حقونو وضعیت وڅاري، او د نړۍوالې ټولنې او افغان ولس ترمنځ د باور او اړیکو پُلونه ټینګ کړي.
مارکو زیاته کړه:«زموږ موخه دا ده، چې د کرنې په برخه کې د ولایتونو وضعیت وڅېړو، د بزګرانو ستونزې واورو، حللارې ومومو، او د بشري مرستو همغږي رامنځته کړو.»
په همدې حال کې د هلمند دکرنې ریاست چاروکو په افغانستان کې د ملګرو ملتونو د سیاسي استازولۍ (یوناما) پلاوی سره د هراړخیزو همکاریو ژمنه وکړه.
