هلمند کې د ځمکو غصب مخنیوی او غصب شويو ځمکو بېرته راکرځولو تخنیکي کمېټې غونډه دائره شوه
۸ غبرګولی ۱۴۰۲ه.ش
۹ ذو القعدة ۱۴۴۴ ه.ق
د هلمند ولایت دځمکو د غصب مخنيوی او غصب شویو ځمکو بېرته راګرځولو تخنیکي پلاوی د یاد پلاوي رییس مولوي نظر محمد صدیقي په مشرۍ نوبتي غونډه دائره شوه.
په یاده ناسته کې د عدلې رییس مولوي محمد محمدي، مستوفي ملا حمیدالله رابط، کور او ښار جوړولو چارو رییس مولوي نیک محمد معتصم، قضایای ام ا رت آمر مولوي عبدالقاهر عاصم ، امنیې قوماندانۍ استازی طلحه، او نورو غړو هم حضور درلود.
تخنیکي پلاوی په نننۍ ناسته کې د تېرې غونډې پر تصمیمونو او پریکړو خبرې وکړې، د ترسره شویو چارو ارزونه یی وکړه او د پاتې کارونو د اجرا په اړه یې لازمې سپارښتنې وکړې.
ورپسې تخنیکي پلاوی د اجنډا له مخې په ګرشک ولسوالی کې د غصب شویو ځمکو، د غصب مخنیوی او استرداد کمیسون لخوا راغلو موضوعاتو، د تنقیص شویو افسرانو د ښارګوټي د غصب شوې ځمکې، په ناوې ولسوالی کې د پوهنې ریاست اړوند ملکیتونو د غصب شویو مځکو، د انفرادي اشخاصو عرایضو او بېلابېلو موضوعاتو لازم اجرائت ترسره کړل .
ددې تر څنګ تخنیکي پلاوی له مرکز څخه د ذوالیدی په اړه د راغلي هدایاتو د عملي تطبیق په موخه خبرې وکړې او په دې برخه کې تصامیم ونیول شو.
دغه راز په دې غونډ کې تخنیکي پلاوي د لسګونو مراجعینو ستونزې او غوښتنې په مخامخ ډول واورېدل.
