هلمند کې حیواني روغتیا پالان د ویروسي ناروغیو د واکسین په برخ کې روزل کېږي

۸ غبرګولی ۱۴۰۲ه‍.ش
۹ ذو القعدة ۱۴۴۴ ه‍.ق 
دهلمند ولایت کرنې، اوبولګولو او مالدارۍ رياست په هلو ځلو ، هلمند کې د حیواني ناروغیو د تشخیص او وقایې اړوند  39 تنه روغتیا پالان  او  DVM روغتیاپالان  د د ملګرو ملتونو دخوړو او کرنې ادارې «FAO»  لخوا روزل کېږي.
دغه روزنیزه پروسه چې د قندهار ولايت کې په لاره اچول شوې ده،  د څارویو د پوستکي یا لمپي سکين ويروسي ناروغۍ د واکسين دتطبيق د پوهاوی په موخه د دریوو ورځو په لړ کې ترسره کېږي چې راتلونکي کې به په عملي ډول د دریوو میاشتو لپاره د واکیسن تطبیق چارې هلمند کې پلي شي.  
د پوستکي ناروغۍ یا لمپي اسکین یو وایروسي ناروغي ده، چې غواوې، مېښې او یوشمېر اوښان  پرې اخته کېږي، چې د میاشو چیچلو له لارې لېږدي، او انسانانو ته نه لېږي. دا ناروغي له ۲۰۲۱ ام کال وروسته په هېواد کې شیوع شوی او یوشمېر څاروي یې له منځه وړي دي.
د نوموړې ناروغښ له امله حیوانات ډنګریږي، وزن د لاسه ورکوی او د حیواناتو پوستکی تخربیږی، ددې تر څنګ په وخیمو حالاتو کی غولانځې التهاب کېږۍ، چې له دې سره د شیدو تولید کمېږي.
د لامپي اسکین ناروغۍ واکسین د غواوو د معافیت سیسټم پیاوړي کوي.
باید وویل شي، چې دکرنې، اوبولګولو او مالدارۍ وزارت د ملګرو ملتونو دخوړو او کرنې ادارې (FAO) په همکارۍ د هېواد په کچه د څارویو د پوستکي ناروغۍ(Lumpy Skin Disease) پر وړاندې د واکسینو کمپاین دویم پړاو پلي کړی دی.