ننګرهار کې لسګونو بزګرانو سره د جوارو اصلاح شوي تخمونواو کرنیزو وسایلو مرسته وشوه
۲۹ غبرګولی ۱۴۰۴ ه.ش
۲۲ ذُو الحِجَّةِ ۱۴۴۶ه.ق
د ننګرهار د کرنې، اوبو لګولو او مالدارۍ ریاست سره په همغږۍ د ډنمارک د کډوالو ادارې (ډي،آر،سي) په همکارۍ اچین، سپین غر او هسکي مېني ولسوالیو کې ۱۰۶ تنو بزګرانو ته د جوارو اصلاح شوي هایبرایډ تخمونه، کیمیاوي سرې او کرنیز وسایل ورکړل شو.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې ددې پروسې په ترڅ کې هر بزګر ته شپږ کیلو د جوارو هایبرایډ تخم، ۵۰ کیلو توره او ۵۰ کیلو ګرامه یوریا سرې ورکړل شوې او په کرنیزو وسایلو کې بېلچه، تسکوره، رمبې، ښاخۍ او لور هم ورکړل شوي دي.
ښاغلي محسن وویل، چې د جوارو لوړ حاصل ورکوونکو تخمونو د وېش موخه د اصلاح شوي تخمونو ترویج او دخوړوخوندیتوب رامنځته کول دي.
د ډنمارک د کډوالو اداره د اصلاح شوي تخمونو ترڅنګ د اوبو لګولو او روزنیزو برخو کې هم بزګرانو او مالدارانو ته چوپړتیاوی وړاندې کوي.
