د ننګرهار وادي کرنیز امارتي شرکت؛ ددرېیم فارم اړوند د ۲۶ مې ویالې د ۵۸۰ شمېرې سیفون د بیارغونې چارې پیل شوې

mail-admin
یکشنبه ۱۴۰۵/۷/۱۹ - ۹:۴۵
444

۱۹ تله ۱۴۰۵ هـ.ش
۲۸ رَبِیعُ الْثاني ۱۴۴۸ هـ.ق
د ننګرهار وادي کرنیز امارتي شرکت د درېیم فارم اړوند د غني‌خېلو ولسوالی د ډاکې کلي په سیمه کې د ۲۶مې ویالې د ۵۸۰ شمېرې سیفون د ترمیم او بیارغونې چارې پیل شوې.
دغه پروژه، چې مالي لګښت یې د ننګرهار وادي کرنیز امارتي شرکت له لوري تمویلېږي، د یاد شرکت د کرنیزو او تخنیکي چارو ریاست اړوند د اوبولګولو د تخنیکي ساتنې او څارنې آمر انجنیر محمد صادق زهیر او د ساختمان آمریت د مسوولینو له لوري، د اړوندو چارواکو په حضور کې قراردادي شرکت ته وسپارل شوه.
د معلوماتو له مخې، ټاکل شوې ده چې د یاد سیفون د اساسي ترمیم او بیارغونې چارې د ۷۵ ورځو په موده کې بشپړې او له تخنیکي معیارونو سره سم بېرته ګټې اخیستنې ته وسپارل شي.
د یادونې وړ ده، چې دغه سیفون د وروستیو اورښتونو، سېلابونو او د اوبو د جریان د زیاتوالي له امله زیانمن شوی و، چې له کبله یې د سیمې د اوسېدونکو تګ راتګ له ستونزو سره مخ شوی او د شاوخوا کورونو او کرنیزو ځمکو د زیانمنېدو اندېښنې هم رامنځته شوې وې.
تمه کېږي، چې د یاد سیفون په اساسي ترمیم او بیارغونې سره به د سیمې د اوسېدونکو د تګ راتګ ستونزې هوارې، د اوبو د جریان او مدیریت چارې ښې او د استوګنیزو کورونو او کرنیزو ځمکو د احتمالي زیانونو مخنیوی وشي.
دا په داسې حال کې ده، چې څو ورځې وړاندې د ننګرهار وادي کرنیز امارتي شرکت له لوري د چپرهار سیفون او د ۲۳مې ویالې د ۵۲۰ شمېرې سیفون د ترمیم او بیارغونې ساختماني چارې هم پیل شوې دي، چې اوس مهال یې کارونه په منظم ډول روان دي.
د ننګرهار وادي کرنیز امارتي شرکت مسوولین وایي، چې د اوبولګولو د تاسیساتو ساتنه، د زیانمنو شویو ویالو او سیفونونو ترمیم او بیارغونه، د اوبو د ضایعاتو مخنیوی، د کرنیزو ځمکو خوندیتوب او د بزګرانو او سیمې د اوسېدونکو ستونزو ته رسېدنه یې له مهمو کاري لومړیتوبونو څخه دي.
د یادونې ده، چې د ننګرهار وادي کرنیز امارتي شرکت د کرنیزو او اوبولګولو تاسیساتو د ساتنې، پراختیا او بیارغونې له لارې هڅه کوي، څو د اوبو د اغېزمن مدیریت، د کرنیزو تولیداتو د زیاتوالي او د بزګرانو د اقتصادي وضعیت د ښه والي لپاره لازمې اسانتیاوې برابرې کړي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت