ننګرهار کانال ریاست کې زده کوونکو ته د علمي او عملي روزنې زمینه برابره شوې ده
۱۸ کب ۱۴۰۱ه.ش
۱۶ شَعبان المُعَظّم ۱۴۴۴ ه.ق
د ننګرهار کانال ریاست چارواکي وايي، چې ددې ریاست اړوندو برخو کې د ښوونځیو زده کوونکو ته د عملي او علمي روزنې زمینه برابره شوې ده.
د چارواکو په خبره د احداد خصوصي عالي لېسې یوشمېر زده کوونکو د ننګرهار کانال زیتون فابریکې له بېلابېلو برخو څخه لیدنه وکړه.
د لېدنې پرمهال د زیتونو فابرېکې امر مولوي اختر محمد هاشمي وویل:«دا ډول علمي او عملي لېدنې د زده کوونکو په راتلونكي باندې مثبته اغېزه شيندي پکار داده چې دا ډول لېدنې لا ډېرې شي.»
د ننګرهار کانال چې يو ملي او ستره اقتصادي، ټولينزه پروژه ده ورته کار د هر افغان مسووليت دى .
د روانو او تر لاس لاندې کارونو څخه د ځوان کهول او زده کوونکو خبرول کانال اداره خپله دنده بولي.
د ننګرهار کانال ریاست چارواکي وایي: «زده کوونکو ته د علمي او عملي لېدنو زمينه برابره کړئ، دى تنکيو ځوانانو ته ملي او ټولګټې سیمې او پروژې وروپېژنئ، دا مو بريا ده، ستره لاسته راوړنه مو ده، او د سالمې راتلونكې تضمين دی.»
