لغمان کې پر یوشمېر بزګرانو د کیمیاوي سرو وېش لړۍ پیل شو

۲۷ کب ۱۴۰۱ه‍.ش
۲۵ شَعبان المُعَظّم ۱۴۴۴ ه‍.ق
د لغمان دکرنې، اوبولګولو او مالدارۍ ریاست د ملګرو ملتونو پراختیایي ادارې (UNDP) په مالي او د «Roots of Peace» په تخنیکي همکارۍ ددې ولایت د مرکز مهترلام پر ۱۰۰ کروندګرو د کیمیاوي سرو د وېش لړۍ پیل کړی دی.
ددې مرستې وېش لړۍ د لغمان د کرنې، اوبولګولواومالدارۍ رییس الحاج مولوي محمدولي محسن په شتون کې، د لغمان مرکز اړوند شیرګړ سیمې څخه پیل شوه.
 د کیمیاوي سرو په وېش غونډه کې د لغمان دکرنې رییس مولوي محمدولي محسن وویل چې هر کروندګر ته په یو سهم کې50 کیلوګرامه ډی.ای.پي او 50  کیلو ګرامه سونا یوریا سره ورکول کېږي.
  ښاغلی محسن زیاته کړه، چې دهرسهم نیم لګښت دیادې مؤسسې له خوا او نیم لګښت په کروندګر ورکوي.  هغه وویل، چې ددې پروژې اساسي موخه دلغمان د سوداګرو هڅونه او تقویه کول دي، ترڅو سوداګر د کروندګرو حاصلات په وخت وپیري.
 ښاغلی محسن دا هم وویل، چې د یادې مؤسسې له خوا دپیازو سوداګرو ته اختیار ورکړ شوی، چې هغه کروندګرو ته کیمیاوي سرې ووېشي کوم چې کروندګر د پیازو حاصلات په خپلو سوداګرو پلوري.