سږکال د غنمو ۱۳۰۰ ننداریزې قطعې جوړ شوي دي

۳۰ تله ۱۳۹۹
د کرنې، اوبولګولو او مالدارۍ وزارت د روان مالي کال په ترڅ کې د هېواد په ۳۴ ولایتونو کې د غنمو یوزر او ۳۰۰ ننداریزې قطعې جوړ کړي دي. دغه ننداریزې قطعې هر یوه یې په یوه جریبه ځمکه کې جوړه شوې ده.
دغه راز سږکال د بغلان، بلخ، هرات، کونړ، کندز، لغمان، ننګرهار او تخار په ولایتونو کې د شولې ۸۲۰ ننداریزې قطعې هم جوړې شوي دي. د شولې دغه ننداریزې قطعې هر یوه یې په یوه جریبه ځمکه کې جوړه شوې ده.
په ورته وخت کې سږکال د کابل، کاپیسا، پروان، پنجشېر، لوګر، فاریاب، جوزجان، سرپل، بلخ، سمنګان، بغلان، کندز، تخار، بدخشان، هرات، بامیان، دایکندي، ننګرهار، کونړ او لغمان په ولایتونو کې د سویابینو ۳۰۰ ننداریزې قطعې هم جوړ شوي دي.
دغه ننداریزې قطعې د غنمو، شولو اوسویابینو د عصري کرکېلي د دودولو په پار جوړ شوي دي.