د کرنې په وزارت کې مراجعينو ته د چوپړتياوو وړاندې کول بيا پيلېږي

۱۵ تله ۱۴۰۰ هـ.ش
۳۰ صفر ۱۴۴۳ هـ.ش
دکرنې وزارت د مالي او اداري مرستيال په مشرتابه او د اړوندو چارواکو په شتون کې، مراجعينو ته د لاښو خدماتو وړاندې کولو او ښه همغږۍ په پار غونډه دائره شوه. دکرنې، اوبولګولو او مالدارۍ وزارت مالي او اداري مرستيال مولوی فضل‌الباري فضلي په دې غونډه کې وويل:"بايد اداري اسانتياوې رامنځته او په پذيرش کې نظم ايجاد شي او په دروازه کې په ځانګړې يونيفرم سمبالو کسانو (امنيتي ساتونکي) په ګمارنې سره، دوزارت په داخلي سيمه کې د بې نظمۍ مخه ونيول شي". مولوی فضلي دغه راز په وزارت کې د لاډېرو اسانتياوو او نظم په رامنځته کولو او د خلکو او وزارت ترمنځ د اړيکو پر پياوړتيا ټينګار وکړ او زياته يې کړه: "د ښو چوپړتياوو وړاندې کول بايد عملي بڼه پيدا کړي". په دې غونډه کې، مراجعينو ته د چوپړتياوو پر وړاندې کولو، د امنيتي چارو تنظیم، دکرنې وزارت او بزګرانو ترمنځ د اړيکو پر پياوړتيا خبرې وشوې.‎