د پکتیا څمکنیو کې لس سړې خونې له بیارغونې وروسته ګټې اخیستنې ته وسپارل شو
١۶ کب ۱۴۰۲ه.ش
٢۴ شَعبان المُعَظّم ۱۴۴۵ه.ق
د پکیتا د کرنې، اوبولګولو او مالدارۍ ریاست د د پاملرنې مؤسسې په همکارۍ ددې ولایت په څمکنیو ولسوالی کې د کرنیزو محصولاتو ساتنې په موخه د لسو سړوخونو د بیارغونې چارې بشپړ او ګټې اخیستنې ته سپارلي دي.
په دې اړه جوړه شوې غونډه کي د پکتیا ولایت د کرنې، اوبو لګولو او مالدارۍ ریاست رییس مولوي عبدالرؤف سعید، د اقتصاد رییس مولوي محمد انور راشد، د چاپېریال ساتنې رییس مولوی عبدالهادي، د څمکنیو ولسوال مولوي شیرعلي شوکت، د احمدخېلو ولسوالی ولسوال مولوی لعل بادشاه حکمت، د ډنډه پټان ولسوالی مرستیال ولسوال، د طبیعي سرچینو آمر قاري عبدالباقي مهاجر، د کرنیزو چارو آمر عبدالله حلیمزی، د پاملرنې نړۍوالې مؤسسې استازو، د څمکنیو ولسوالی ترویج مدیر، قومي مشرانو او ځوانانو ګډون کړی و.
د پکتیا د کرنې، اوبولګولو او مالدارۍ رییس مولوی عبدالرؤف سعید د یادو سړو خونو په رغولو خوښي وښوده، نوموړي د سیمې وګړو ته د ياد لس بابه سړو خونو بیا رغولو مبارکي وويله، ښاغلي سعید په خپلو خبرو کې د پاملرنې مؤسسې د دوامداره هڅې وستایلې او د سیمې له وګړو څخه يې وغوښتل، چې په راتلونکي کې د یاد سړو خونو ساتنې ته ځانګړې پاملرنه وکړي.
د پکتیا دکرنې رییس وویل: «یادو سړو خونو د محصولات ساتلو په برخه کې د سیمې د بزګرانو ډېرې ستونزې به هوارې کړي.»
په همدې حال کې د پاملرنې مؤسسې چارواکو وویل، چې ددغو سړخونو د بیارغونې ټولیز لګښت پنځه میلیونه او ۳۷۵ زره او ۱۵۰ افغانۍ ده، چې په معیاري ډول رغول شوي دي.
