د هلمند کرنې ریاست کې سکتوري غونډه دائره شوه

١٠ سلواغه ۱۴۰۲ه‍.ش
١٨ رَجَب المُرَجَّب ۱۴۴۵ ه‍.ق  
 د هلمند ولایت دکرنې، اوبولګولو او مالدارۍ ریاست کې، د کرنې رییس الحاج مولوي نیاز محمد وهاج په مشرۍ میاشتنۍ سکتوري غونډه دائره شوه.
 په یاده غونډه کي د کرنې ریاست اړوندو چارواکو، دچاپېریال ساتنې ریاست او د کلیو بیارغونې او پراختیا ریاست د استازو ترڅنګ د ګڼو همکارو کرنیزو  مؤسسو مسؤلینو ګډون کړی وو.
دغونډې په پیل، کې دهلمند دکرنې رییس الحاج مولوي نیاز محمد وهاج د غونډې ګډونوالو سره د مهمو  لاسته راوړنو او راتلونکو پلانونو په اړه معلومات شریک کړل. 
ښاغلي وهاج وویل: "څرنګه چې د هلمند ولایت ولسونو د نورو ولایتونو په پرتله زیاتې قربانۍ ورکړې دي، له همدې امله یې د نورو برخو ترڅنګ کرنه او مالدارۍ هم متضرره شوې ده، نو هڅه به مو دا وي ترڅو ددې ولایت د ځمکوالو د اقتصادي ودې او بهبود په موخه بنیادي پروژې پلي کړو، ددې ترڅنګ داچې هلمند پراخه ځمکې او اراضي لري تر دې مهاله چې کومې پروژې ددې ولایت لپاره تمویل او منظور شوي دي د ولایت په کچه بسنه او کفایت نه کوي ، نو تاسو د اړونده مؤسسو د استازو په توګه له تمویل کوونکو نهادونو سره ددې ولایت د مهمو اړتیاؤ په نظر کې نیولو سره د بنیادي پروژو په منظورۍ کې همکاري وکړئ، موږ د پروژو د ښه او موثر تطبیق په برخه کې د پوره مرستې او همکارۍ ډاډ درکوو.
په یاده ناسته کي د کرنې سکتور اړوند د مؤسسو مسؤلینو د تېرې میاشتې په لړکې د خپلو ترسره شویو فعالیتونو او لاسته راوړنو په اړه د غونډې ګډونوالو ته معلومات وړاندې کړل.
همدارنګه په یاده ناسته کي د هرې ادارې مسؤل په خپل وار سره خپل فعالیتونه، لاسته راوړنې، غوښتنې او ستونزې شریکې کړې، چې د غونډې ګډونوالو لخوا ورباندې بحث وشو.
د یادوني وړ ده، چې د کرنې سکتوري غونډه په میاشت کي یو ځل د اداراتو او اړونده مؤسسو د لا ښې همغږۍ رامنځته کولو په موخه ترسره کېږي.