د هلمند ناوې ولسوالی کې ٥٠ بېوزله او اړمنو کورنیو ته د چرګانو واړه فارمونه جوړ شول
۴ وږی ۱۴۰۲ه.ش
۹ صَفَرُ المُظَفَّر ۱۴۴۵ه.ق
د هلمند ولایت د کرنې، اوبولګولو او مالدارۍ ریاست، له افغان کډوالو سره د مرستې لپاره د ډنمارک کمیټې (داکار) مؤسسې په همکارۍ، ددې ولایت په ناوې ولسوالی کې پر ٥٠ بېوزلو او اړمنو کورنیو د هګیو چرګان او یو شمېر اړین توکي ووېشل شول.
د یادو توکو په ترکیب کې هرې کورنۍ ته ٣٠قطعې دهګیو چرګان، پنځه بوجۍ وطني دانه، ٤عدده د اوبو لوښې، ١٠کیلوګرامه چونه ، ١مترجالۍ، ٢ بوتله ډاکسي مکس او مولټینا شربتونه شامل دي.
د یادولو وړ ده، چې د نوموړو کورنیو د تثبیت، انتخاب او وېش چارې د ګډې کمیټې لخوا په شفاف ډول ترسره شوي دي.
ددې مرستې موخه د بېوزله کورنیو ملاتړ او په ټوله کې په دې ولایت کې د چرګانو روزنې سکټور ودې او پراختيا ته زمینه برابرول دي.
