د هلمند دکرنې ریاست: له مرکز څخه راغلي پلاوي د نیالګیو د تولید له قوریې څخه لیدنه وکړه
١۵ لړم ۱۴۰۲ه.ش
٢۲ ربیعالثاني ۱۴۴۵ ه.ق
دکرنې، اوبولګولو او مالدارۍ وزارت څخه راغلي پلاوي د هلمند ولایت د کرنې ریاست د نیالګیو روزلو له مرکزي قوریې څخه لیدنه وکړه.
یاد پلاوي ته د هلمند ولایت کرنې ریاست د طبیعي سرچینو آمر الحاج قاري دین محمد مغفور لخوا په بېلابېلو برخو کې د ترسره شویو او ترلاس لاندې کارونو په اړه معلومات ورکول شول.
راغلی پلاوي په بولان مرکزي قوریې کې د ګڼو برخو ترڅنګ دطبي بوټي هنګ (انجې) او د نويو نیالګیو د بزغلیو څخه لیدنه وکړه.
نوموړي پلاوي د کرنې ریاست اړوند د طبیعي سرچینو آمریت له هڅو او کارونو خوښي وښوده او په راتلونکي کې یې هم دکرنې وزارت لخوا د ورکړل شوي پلان د لا ښه پلي کېدو په پار لازمې سپارښتنې وکړې.
