د محصولاتو بازار موندنې په پار هڅې، ننګرهار کې د کرنیزو او حیواني محصولاتو یو ورځنۍ نندارتون
۲ وږی ۱۴۰۲ه.ش
۷ صَفَرُ المُظَفَّر ۱۴۴۵ه.ق
د ننګرهارد کرنې، اوبولګولو او مالدارۍ ریاست په هڅو د آي ار سي د فتر له لورې په سره رود او بټي کوټ ولسوالیو کې جلا جلا د کرنیزو تولیداتو ، حیوانې محصولاتو او مالدارۍ جوړ شویو ګروپونو ته د بازارموندنې په پار یو ورځنۍ نندارتون جوړ شو.
د ننګرهار دکرنې ریاست د ترویج مسولینو په خبره په یاد نندارتون کې د سره رود ولسوالی د خیراباد، باغباني، بالا باغ او کشکک کلیو ۷۷ او دبټي کوټ ولسوالی ۴۰ مېرمنو خپل کرنیز او حیوانې محصولات نندارې ته وړاندې کړل.
دغه راز په نندارتون کې رومي بانجان، توربانجان، بېنډۍ، پیاز، مرچک، هوږه، جوار، لیمو او د حیواني محصولاتو څخه مستي، کوچ، شړومبۍ، چکه او پنیر نندارې ته اېښودل شوي ول .
د یاد نندارتون په پای کې دوه هټیوال د آي ار سي دفتر له لورې د کرنیزو او حیواني محصولاتو دپېر لپاره ور وپېژندل شول؛ ترڅو د سره رود او بټي کوټ ولسوالیو د بزګرانو اومالدارانو محصولات په مناسبه بیه وپېري او بزګران د خپل روځني ژوند اړتیاوي پري پوره کړي.
