د لغمان بادپښ ولسوالی کې پر یوشمېر اړمنو مالدارو کورنیو دمالدارۍ اړونده توکي ووېشل شول
۶ زمری ۱۴۰۴ هـ.ش
۳ صَفَر المُظَفَّر ۱۴۴۷ هـ.ق
د لغمان د کرنې، اوبولګولو او مالدارۍ ریاست تر چتر لاندې او د افغانستان لپاره د هالینډ کمېټې په مالي ملاتړ، د بادپښ ولسوالی ۳۲ اړمنو مالدارو کورنیو ته د څارویو د غوجلو د ترمیم په موخه اړین وسایل او توکي ووېشل شول.
یاده مرسته د لغمان د کرنې رییس مولوي عبدالستار محمد په لارښوونه، د بادپښ ولسوالی د مرستیال، د کرنیزو چارو د مدیر قاري خدای نور، او د هالینډ کمېټې د ولایتي مسؤل ډاکټر محمد بیدار سیرت په حضور کې ترسره شوه.
په وېشل شوو توکو کې، د هر مالدار لپاره دوه بوجۍ سیمنټ، دوه منه چونه، یو کیلو سریش (پاکټ)، د رنګمالۍ برس، شپږ متره رخت، لس چوفتۍ د مسطح لپاره، نیم کیلو میخ، یو عدد هوا کش، او یوه فلزي کړکۍ (د جالۍ سره، متر په متر) شامل وو.
د دغې پروژې موخه د اړمنو مالدارانو اقتصادي ملاتړ، د څارویو د ساتنې او حفظالصحې شرایطو ته وده ورکول، او د مالدارۍ سکتور پیاوړی کول او پراخول بلل کېږي.
