د خوست دوو ولسوالیو کې یوشمېر بزګران وروزل شول

۱۷ چنګاښ ۱۴۰۴ ه‍.ش
۱۲ مُحَرَّمُ الحَرام ۱۴۴۷ه‍.ق
د خوست ولایت کرنې، اوبو لګولو او مالدارۍ ریاست تر چتر لاندې ددې ولایت د علېشیرو او تریزیو او شاه ولیکوټ ولسوالی کرنیزو چارو عمومي مدیریت کارمندانو له لوري په مسلکي او فني ډول د شولو او جوارو ننداریزو کروندو جوړولو په پار بزګرانو ته روزنه ورکړل شوه.
 د یادو ننداریو کروندو جوړولو سره به بزګران د عصري او کرکېلې سره بلد شي،  ترڅنګ به د انتخاب شوي بزګرانو شولو او جوارو کروندې له نورو همجوارو سیمه ییزو شولو کروندو سره د ناروغیو پر وړاندې د مقاومت او لوړ حاصل ترلاسه کولو  په برخه کې پرتله کړي، هم به ياد بزګران د راتلونکي فصل لپاره معياري او  باکیفیته شولو تخم ولري اوترڅنګ یې نور بزګران به هم ورڅخه ګټه پورته کړي. 
د یادونې وړ ده، چې یاد ننداریزې کروندې د کرنې سکتور ودې، عصري او میکانیزه کرکېلي ته د نورو  بزګرانو د هڅونې په پار جوړېږي.