دکندهار دکرنې رییس د یونما د سیاسي چارو مسوول سره وکتل

دکندهار دکرنې، اوبولګولو او مالدارۍ رییس مولوی محمود مظلوم د «UNAMA» سیاسي چارو مسوول انډري سره د خپل کار په دفتر کې وکتل .
په دې کتنه کې دواړو خواوو پر هر اړخیزو مسایلو خبرې وکړې د کندهار دکرنې رییس محمود مظلوم وویل: «د ملګري ملتونو او یونما ادارې له مرستو او همکاریو مننه کوو، هیله ده، چې دا همکارۍ دوام پیدا کړي.» ښآغلي مظلوم د کندهار دکرنې ریاست د فعالیتونو په هکله خبرې وکړې او ویې ویل، چې د اسلامي امارت د ځانګړې هدایت پر اساس په دوو ولسوالیو کې درې د اوبو چکډمونه جوړ کړي دي، چې یوه یې د سپین بولدک او دوه نور یې د شاولیکوټ په ولسوالی کې دي.
مولوی محمود مظلوم وویل:«افغانستان یوکرنیز هېواد دی او تر پخوا اوس دکرنې او مالدارۍ په برخه کې د کار او پانګونې زمینه برابره شوې ده، موږ هلې ځلې کوو، چې د ولسونو ستونزو ته رسېدنه وکړو.»
وروسه د یونما د سیاسي چارو مسوول انډري خبرې وکړې هغه په خپلو خبرو کې د کندهار دکرنې رییس څخه مننه وکړه، چې په تش لاس او لږو امکاناتو ولسونو ته ډېرې چوپړتیاوې وړاندې کړي دي او اوس هم جریان لري.
په دې کتنه کې د یونما د سیاسي چارو مسوول د کندهار دکرنې ریاست سره په هره برخه کې د همکاریو ژمنه وکړه.