دکرنې سرپرست وزیر د سوېل او ختیځ زون د کیمیاوي سرو تولیدوونکو او سوداګرو سره وکتل
۲۱ وږی ۱۴۰۱ه.ش
۱۵ صَفَرالمظفّر ۱۴۴۴ ه.ق
دکرنې، اوبولګولو او مالدارۍ سرپرست وزیر مولوی عطاء الله عمري د هملند، کندهار او ننګرهار ولایتونو د کیمیاوي سرو تولیدوونکو او یوشمېر سوداګرو سره وکتل.
په دې کتنه کې د یادو ولایتونو د سرو تولیدوونکو او سوداګر له هېواده بهر په ځانګړې توګه له پاکستان او ایران څخه دبې کیفیته کیمیاوي سرو په قاچاقي وارداتو نیوکه وکړه او د بندېدو غوښتنه یې وکړل.
په دې غونډه کې دغه راز دکرنې، اوبولګولو او مالدارۍ سرپرست وزیر وویل، چې د کیمیاوي سرو د تولید د ودې او د بې کیفیته سرو د وارداتو د مخنیوي په پار به جدي اقدام کوي او حل لار ورته پیداکوي.
دغه راز د ناستې په څنډه کې، دکرنې سرپرست وزیر د سپین بولدک بندر د سوداګرۍ خونې مسوول حاجي محمد صدیق سره وکتل.
په دې کتنه کې حاجي محمدصدیق د کیمیاوي سرو او بې کیفیته کیمیاوي سرو د قاچاق د مخنیوي په پار د حل لارې پیداکولو غوښتونکی شو.
تر دې وړاندې هم د استفاده جویو شرکتونو له خوا د قاچاق له لارې هېواد ته بې کیفیته سرې واردېدل، چې بزګرانو ته یې درانه زیانونه اړولي دي.
