خوست کې د ځمکې د غصب مخنیوی او غصب شویو ځمکو د بېرته را ګرځولو تخنیکي پلاوي دویمه غونډه
د خوست ولایت دکرنې، اوبولګولو او مالدارۍ ریاست چاراکي وایي، چې ددې ولایت اړوند د امارتي ځمکو د غصب مخنیوی او غصب شویو ځمکو د بېرته راګرځولو تخنیکي پلاوي د یوې غونډې په ترڅ کې رسنیو ته ور وپېژندل شول.
یاد پلاوي د ولایت مقام د مرستیال له خوا رسنیو ته ورپېژندل شوي دي.
په دې اړه جوړه شوې غونډه کې، چې د خوست ولایت په مطبوعاتي کنفرانس کې په لاره اچول شوې وه د خوست مرستیال والي مولوی محمدانور دین پرورد غونډې ګډونوالو ته د غصب دمخنيوي تخنيکي پلاوی او غصب په باره کې مفصلې خبرې وکړي.
و روسته د تخنيکي پلاوی رییس قاري عبدالصمد محمدي لخوا د پلاوی د ترکيب او خپل شتون په خوست ولايت کي اعلان کړ او خلکو ته يې د نوموړي پلاوی په باره معلومات ورکړل شول.
ښاغلی محمدي زیاته کړه: «د مشرانو په ولس شفقت اومهرباني ده، چې د ځمکو غصب د مخنیوي لپاره یې په ولایاتو کي تخنیکي پلاوی مقرر کړل ـ چې خلک د غصب د لوی ګناه څخه محفوظ شي .»
دغه راز په دې غونډه کې د شيخ صاحب محترم عبدولي حليمي لخوا د مطبوعاتو کارکوونکو ته د غصب او د دوی پوښتنو ته لنډ لنډ ځوابونه او د غصب د کراهت په باره کي خوست ميشتو ته تفصیلي معلومات د قران او حدیث په رڼا کي ورکړل شول.
