پکتیا کې د ځنګلوالۍ ۳۶ غړي وروزل شول

۸ چنګاښ ۱۴۰۱ ه‍.ش
۳۰ ذوالقعده ۱۴۴۳ ه‍.ق
د پکتیا کرنې ریاست اړوند د ځمکې او ځنګلونو د تلپاتې مدیریت پروژې(FAO-GEF) له لورې د سید کرم ولسوالۍ د ځنګلوالۍ ټولنو ۳۶ تنو غړو ته دکرنیزې ځنګلوالۍ (Agroforestry) او د ځنګلونو د تلپاتې مديريت ګټو په هکله روزنيز ورکشاپ په لاره واچول شوه.
په دغه روزنیز ورکشاپونو کې لمړی د کرنیزه ځنګلدارۍ په هکله عمومی معلومات او وروسته د کرنیزه ځنګلدارۍ اقتصادی، د چاپیریال ساتنی او صحی ګتی ورزده کړل، همدارنګه د کرنیزځنګلدارۍ د جوړولو بیلابیل لاری چارې او میتودونه تدریس شول.
په یاد روزنیز ورکشاپ کې د ځنګلوالۍ ټولنو د رهبرۍ غړو ترڅنګ نور کلیوال هم ګدون کړی وو، ترڅو د کرنیزې ځنګلوالۍ په اهمیت یې پوهاوی لوړشي او د کرنیزې ځنګلوالۍ په جوړولوکې رغنده رول ولوبوي.
د دغه روزنیز ورکشاپ موخه د خلکو د پوهې د کچې لوړول دی، تر څو د مصنوعي ځنګلونو څخه مؤثره ګټه اخیستنه اوپه تلپاتې بڼه مدیریت یې وشي.
ګډونوالو د داسې روزنیزو ورکشاپونو ترسره کېدل اړین بولي او د دې پروژې لخوا ترسره شوو فعالیتونو څخه یې خوښي وښوده او د کرنې رياست او همکارو پروژو له دوامدارو همکاريو څخه يې مننه وکړه.
باید وویل شي، چې یاد روزنیز ورکشاپ د احمدابا په ولسوالۍ کې هم دائره شوې وه.