تخار کې د پیازو او کچالو د ۳۱ زېرمتونونو چارې بشپړې شوې

۲۷ لیندۍ ۱۳۹۹
د تخار ولایت د کرنې، اوبولګولو او مالدارۍ ریاست وایي، چې ددې ولایت د خواجه غار او بهارک په ولسوالیو کې د کچالو د ۲۵ او د پیازو د شپږو زېرمتونونو رغنیزې چارې بشپړې او ګټې اخیستنې ته وسپارل شول.
د تخار د کرنې ریاست وایي، چې د کرنې وزارت د کرنیزو محصولاتو مدیریت د طرحې په اډانه کې د ۱۵۷ میلیونه او ۲۶۹ زره او ۱۴۰ افغانیو په لګښت ۲۶۵ نوي کرنیزې پروژې په دې ولایت کې په لاره اچول شوي دي. په دغو پروژو کې د پیازو ۱۵۰ زېرمتونونه، د کچالو ۱۰۰ زېرمتونونه او د مېوو ۱۵ سړې خونې شامل دي، چې د تخار ولایت په څلورو ولسوالیو کې پلي کيږي.
له دې ډلې د پیازو او کچالو د ۳۱ زېرمتونونو رغنیزې چارې بشپړې شوي دي او د پاتې هغو چارې په هم ډېر ژر بشپړ او ګټې به وسپارل شي.