د بلخ ۱۱۰ مالدارې مېرمنې د مالدارۍ تخنیکي مهارتونه زده کړل
۲۶ وږی ۱۳۹۹
د بلخ دکرنې، اوبولګولو او مالدارۍ ریاست له دویم ملي لومړیتوب څخه د ملاتړ برنامې (SNaPP2)په همکارۍ ددې ولایت د ۱۱۰ کیلوالو مالدارو مېرمنو د تخنیکي وړتیا لوړلو په پار د دهدادي په ولسوالۍ کې دوه ورځنۍ روزنیز پروګرام په لاره اچولې وه.
دغه روزنیزه برنامه د شېدې تولیدوونکو مالدارانو د وړتیا لوړولو په موخه په لاره اچول شوې وه، چې په کې ګډونوالو ته د غواساتنې مدیریت، د شېدې لوشلو حفظ الصحې، سالمې تغذیې، نسل اخیستل، لبنیاتو ته بازارموندنه، د شېدې ورکوونکو غواوو یوشمېر ناروغۍ او د غوا د ناروغیو د کنټرول په برخه کې هر اړخیز معلومات ورکړل شو.
ددې روزنیزې برنامې پر ګډونوالو تر دې مخکې د شېدې لوشولو او د غوجلې د اصلاح په موخه ۱۷ توکي هم وېشل شوې وه.
دغه راز دغو مالدارانو لپاره د کرنې وزارت نورې برنامې، د بازارموندنې او بزګرانو اوخصوصي سکټور سره د اړیکو د ایجاد په پار د کرنیزو هوکړه لیکونو د لاسلیک زمینې برابرول دي. ددې برنامې په ترڅ کې مالدارن د بلخ لبنیاتو له ټولنۍ سره یوځای شول تر څو د ورځې ۷۶۰ لیټره شېدې چې دوی یې تولیدوي د ورځې په نرخ پر خصوصي سکټور خرڅ کړي.
