خوست ولایت کې د کبانو فارم لرونکو ته د روزنې سیمینار او د کبانو د خوراک وېش
٢١ تله ۱۴۰۳ه.ش
٩ رَبِیعُ الْثاني ۱۴۴۶ه.ق
د خوست ولایت دکرنې، اوبو لګولو او مالدارۍ ریاست تر چوکاټ لاندې د مالدارۍ او د څارويو روغتيا آمریت، د نړۍوالې مؤسسې په همکارۍ، د کبانو فارم لرونکو ته د روزنې یو ورځنی سیمینار ترسره کړ. په دې سیمینار کې (۵) کبانو فارم لرونکو ته د کب روزنې په اړه مهمې لارښوونې وشوې. دغه راز، هر یوه فارمر ته (۱۰۰) کیلو ګرامه د کبانو خوراکه هم ووېشل شوه.
د کرنې، اوبو لګولو او مالدارۍ ریاست په خوست ولایت کې د کبانو د فارمونو د پرمختګ لپاره یاد او ورته پروګرامونه جوړوي، تر څو د کبانو پالونکي وکولی شي خپلې تجربې لا غښتلې کړي او په اقتصادي توګه پیاوړي شي. نړۍواله مؤسسه له کرنې ریاست سره په ګډه د دغو پروګرامونو د پلي کولو په برخه کې مهمه همکاري کوي.
