لغمان کی بزګرانو ته د غلو او حبوباتو د کرنې ماشینونه ووېشل شول
٢١ تله ۱۴۰۳ه.ش
٩ رَبِیعُ الْثاني ۱۴۴۶ه.ق
د لغمان د کرنې، اوبولګولو او مالدارۍ ریاست د مؤسسې په تخنیکي همکارۍ د افغانستان د ارزښت د ځنځیرونو پروګرام له لارې ۲۵ بزګرانو ته د غلو او حبوباتو د تخمونو کرلو ماشینونه ووېشل.
په دې مراسمو کې، د کرنې رییس مولوي عبدالستار محمد او د یادې مؤسسې استازو په لاسونو مستحقو بزګرانو ته یاد ماشینونه ووېشل شول. مولوي عبدالستار محمد په خپلو خبرو کې بزګرانو ته د تخمونو د کتاري کښت ګټې تشریح کړې او هغوی یې د دې میتود څخه د استفادې لپاره وهڅول. هغه بزګرانو ته وړاندیز وکړ چې په راتلونکي کې د لوبیا، سویابین، غنم او جوارو کرنه په خپلو کروندو کې د دې ماشینونو په مرسته ترسره کړي.
ښاغلي محمد زیاته کړه چې د کرنې د میکانیزه کولو او د بزګرانو د ملاتړ په پار، هڅه کوي چې دې ته ورته نور وسایل او ماشینونه هم بزګرانو ته برابر کړي.
