پکتیا کې یوشمېر بېوزلو کورنیو ته د چرګانو واړه فارمونه جوړ شول

qiam_amin
یکشنبه ۱۴۰۵/۸/۳ - ۱۴:۴
پکتیا کې یوشمېر بېوزلو کورنیو ته د چرګانو واړه فارمونه جوړ شول

۳ لړم ۱۴۰۵ هـ.ش

۱۳ جُمَادَى الأول ۱۴۴۸ هـ.ق

د پکتیا ولایت کرنې، اوبولګولو او مالدارۍ ریاست په هڅو، د هیلتو مؤسسې په همکارۍ او د ملګرو ملتونو د خوړو نړۍوال پروګرام په مالي ملاتړ، د یاد ولایت په روحاني بابا او جاني خېلو ولسوالیو کې ۱۱۰ اړمنو کورنیو ته د چرګانو واړه فارمونه جوړ او وسپارل شول.

د پکتیا د کرنې، اوبو لګولو او مالدارۍ ریاست د مالدارۍ مدیر عبدالبصیر کوچی وایي، له دې پروژې څخه ۵۵ کورنۍ په روحاني بابا او ۵۵ کورنۍ په جاني خېل ولسوالۍ کې برخمنې شوې، چې موخه یې د بېوزلو کورنیو اقتصادي پیاوړتیا او د عاید سرچینو رامنځته کول دي.

همدا راز ښاغلي کوچی، وویل چې هرې ګټه‌اخیستونکې کورنۍ ته ۳۰ دانې چرګان، ۵۰ کیلوګرامه د چرګانو خوراکه، ۳ دانې آبخورې، ۳ دانې دانه‌خوري، ۱۰ متره جالۍ او د ساتنې اړوند نور ضروري توکي ورکړل شوي.

ښاغلي کوچی زیاته کړه، د دې مرستې اساسي موخه دا ده چې په کور دننه بېوزلو کورنیو ته د کار زمینه برابره شي، د خوړو خوندیتوب پیاوړی شي او کورنۍ پر ځان بسیا شي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت