هېواد کې دنړيوال بانک له چارواکو سره دکرنې وزير خبرې؛ دنړيوال بانک تر تمويل لاندې پروژو دلاښه پلي کېدو په پار خبرې اترې

۲۶ليندۍ ۱۳۹۹
دکرنې، اوبولګولو او مالدارۍ وزير ډاکټر انوارالحق احدي دنړيوال بانک له چارواکو سره د دواړو بنسټونو دبېلابېلو موضوعاتو په هکله د ويډيو کنفرانس له لارې خبرې وکړې.
ښاغلی احدي دکرنې په برخه کې دپروژو دتمويل په پار له نړيوال بانک څخه دمننې ترڅنګ په ځانګړې توګه دکرنې دودې اوخوړو خونديتوب بېړنۍ پروژې EATS دتدارکاتي پړاوونو داسانتياوو او پروخت پلي کېدو خبرې وکړی.
په دې ويډيو کنفرانس کې، دنړيوال بانک عملياتي مسوول همازاهرا فتوحي او ددې بانک ټولو چارواکو ګډون درلود. ښاغلی احدي په دې ويډيو کنفرانس کې دنړيوال بانک له چارواکو څخه د کرنې دودې او خوړو خوديتوب دبېړنۍ پروژې دپروقت پلي کېدو، دچوپړتياوو وړاندې کولو ښه والی او دتدارکاتي پړاوونو د چارو دچټکتيا غوښتنه وکړه.
په دې خبرو اترو کې دنړيوال بانک چارواکو ژمنه وکړه، چې په بېلابېلو برخو او په ځانګړې توګه دکرنې دودې او خوړو خونديتوب بېړنۍ پروژې دپلي کېدو په برخه کې دکرنې وزارت سره همکاري کوي.
په هېواد کې دنړيوال بانک عملياتي مسوول هما زاهرا فتوحي دکرنې له وزير څخه دمننې ترڅنګ ژمنه وکړه، چې په لاډېرو همغږيو سره به دکرنې وزارت سره همکاري کوي.
هغه دغه راز زياته کړه، هلې ځلې کيږي، چې په ۲۰۲۱ام کال کې د اميد پروژه پيل شي