۱۷ لېندۍ ۱۳۹۸
د ننګرهار د کرنې، اوبولګولو او مالدارۍ ریاست د همکارې موسسې « RRAA » په همکارۍ ددې ولایت د ګوشتې ولسوالۍ پر ۳۰۰ کروندګرو د غنمو اصلاح شوي تخمونه او کیمیاوي سرې وېشل شوي دي.
د ننګرهار د کرنې ریاست چارواکي وایي، چې پر دغو بزګرو ۴.۲۵ ټنه د غنمو اصلاح شوي تخمونه، ۸.۰۵۰ ټنه یوریا او ۴.۲۵ ټنه « DPA» کیمیاوي سره وېشل شوې ده.
دا په داسې حال کې ده، چې تېره میاشت هم د ننګرهار د کرنې، اوبولګولو او مالدارۍ ریاست د کرنې وزارت له دویم ملي لومړیتوب څخه د ملاتړ برنامې « SNAPP 2» په همکارۍ ددې ولایت د لسو ولسوالیو «کامه، ښېوه، بهسود، سره رود، دره نور، ګوشته، مهمندره، لعل پور خو ګياڼي او رودات» پر ۲۲۵ بزګرانو اووه مټریک ټنه د غنمو اصلاح شوي تخمونه او ۱۲.۵ مټریک ټنه کیمیاوي سرو مرسته شوې وه.
پر بزګرانو د غنمو داصلاح شويو تخمونو او کیمیاوي سرو د وېش لړۍ د ننګرهار نورو ولسوالیو ته هم غځیږي.
د ننګرهار د کرنې، اوبولګولو او مالدارۍ ریاست ددې ولایت د غنمو د حاصلاتو د زیاتوالي او د بزګرانو د ملاتړ په پار په پام کې لري، چې ددې ولایت پر بزګرانو درې زره او ۲۰۰ ټنه دغنمو اصلاح شوي تخمونه او کیمیاوي سرې ووېشي.