د «ګلفوډ» د نندارتون پای: صادروونکو د څه باندې ۱۷۱ میلیون ډالرو په ارزښت د کرنیزو محصولاتو د پلور قراردادونه ترلاسه کړل

mail-admin
شنبه ۱۳۹۹/۱۲/۹ - ۱۶:۴۴
پایان نمایشگاه «گلفود»: دریافت قراردادهای فروش محصولات زراعتی به ارزش بیش از ۱۷۱ میلیون دالر توسط صادرکننده‌گان افغان

۱۰ کب ۱۳۹۹
د متحده عربي اماراتو په دوبۍ کې د ګلفوډ نندارتون په پای ته رسېدو سره، جوته شوه کوم افغان سوداګر او صادروونکو چې په دې نندارتون کې ګډون کړي و، په ټولیزه توګه د څه باندې ۱۷۱ میلیونه افغانیو په ارزښت د افغانستان د کرنیزو تولیداتو د صادراتو تایید شوي تړونونه تر لاسه کړي دي.
د کرنې، اوبولګولو او مالدارۍ وزارت د خصوصي سکټور د پراختیا رییس حبیب‌الله حبیبي، چې په دې نندارتون کې ګډون کړی دی وایي: «ددې تړونونو ډېری برخه له هندوستاني خواوو سره ترسره شوي دي، چې ټولیز ارزښت یې ۱۰۰ میلیونه ډالرو ته رسېږي. دغه راز د دوبۍ د ګلفوډ په نندارتون کې د افغانستان د سوداګر او صادروونکو د تړون خواوې له هندوستان وروسته د عربي متحده اماراتو سوداګر دي، چې د تړونونو ټولیز ارزښت یې ۲۷ میلیونه دالرو ته رسیږې. تر اماراتو وورسته تر ټولو ډې تړونونه د سعودي عربستان له سودا ګرو سره شوي دي، چې ارزښټ یې نږدې شپږ میلونه ډالرو ته رسېږي.»
په دغو تړونونو کې د څه باندې ۱۰۷ میلیونه ډالرو په ارزښت ووچې مېوې، د څه باندې ۴۳ میلیونه ډالرو په ارزښت مغزباب، د څه باندې ۱۳ میلیونه ډالرو په ارزښت طبي بوټي، د څه باندې ۴.۵ میلیونه ډالرو په رازښت دانه باب، د څه باندې ۱.۳ میلیونه ډالرو په رازښت تازه مېوې، د څه باندې ۴۶۵ زره ډالرو په ارزښت جوس او د څه باندې ۴۲۵ زره ډالرو په ارزښت شات شامل دي.»
په تېرو کلونو کې د «ګلفوډ» له کلني نندارتون څخه افغان سوداګر په ټولیزه توګه د نږدې ۱۰۰ میلیونه ډالرو په ارزښت تړونونه ترلاسه کول، خو د کرونا وبا ترڅنګ سږکال افغانستان لپاره ددغو تړونونو په کچه کې د پام وړ زیاتوالی راغلی دی.
باید وویل شي، چې تېرکال د ګلفوډ په نندارتون کې د افغان سوداګرو او د تړونونو د نورو خواوو ترمنځ ۸۰ سلنه تړونونه عملي شوې وې.

 

تازه ترین اخبار

دوشنبه ۱۴۰۴/۶/۳ - ۱۶:۹
Background image

د ننګرهار بټي کوټ کې پر سلګونه بېوزله بزګرانو خوراکي توکي ووېشل شول

۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
د ننګرهارد کرنې، اوبولګولو او مالدارۍ ریاست په هڅو، د ګډې هڅې ملي بشري مؤسسې «جي.اې.ان.اچ.او» په تخنیکي او د «جي.اې.ان» مؤسسې په مالي. . .

دوشنبه ۱۴۰۴/۶/۳ - ۱۶:۸
Background image

هلمند کې یوشمېر بزګران وروزل شول

۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
د هلمند ولایت د کرنې، اوبولګولو او مالدارۍ ریاست د کرنیزو چارو امریت اړوند د بوټو ساتنې او قرنطین عمومي مدیریت مسلکي کارکوونکو د یاد ولایت. . .

دوشنبه ۱۴۰۴/۶/۳ - ۱۶:۲
Background image

کابل کې د مالدارۍ ورځ ونمانځل شوه

 ۳  وږی ۱۴۰۴ هـ.ش
۱ رَبِیعُ الْأَوَّل ۱۴۴۷ هـ.ق
په کابل کې د مالدارۍ ورځ د کرنې، اوبولګولو او مالدارۍ وزارت، د افغانستان لپاره د هالنډ کمېټې او د افغانستان لپاره د ثبات، معیشت او اساسي. . .

بازگشت