ننګرهار کې پنځه فرعي سړکونه بیا ورغول شول
۱۷ کب ۱۴۰۱ه.ش
۱۵ شَعبان المُعَظّم ۱۴۴۴ ه.ق
د ننګرهار دکرنې، اوبولګولو او مالدارۍ ریاست وایي، چې ددې ولایت د سپین غر په ولسوالی کې د کار په بدل کې د غنمو ورکړې پروژې پر مټ د سیندیزې حوزې، حج اوقافو، کلیو پراختیا او شهیدانو او معلولینو ریاستونو په همکارۍ پنځه نوي فرعي سړکونه په خام ډول جوړ او ګټې اخیستنې ته وسپارل شول.
د چارواکو د معلوماتو له مخې شډل بازار څخه تر وچ کوټ پورې اته کيلومتره، له وچ کوټ تر اخندزاده ګانو کلي درې، له شډل څخه تر ګردي پورې درې، له شډل څخه تر خاص اچين څلور او چهلګزي کې درې کيلومتره سړکونه بیارغول شوي دي.
همدا راز د مامند تنګي پُل څخه تر صفري نقطې پورې هم د يو فرعي سړک چارې روانې دي، چې ډېر ژر به بشپړ او ګټې اخیستنې ته به وسپارل شي.
