دکرنې وزارت مسلکي مرستيال د ننګرهار له سيمه ييزو چارواکو سره وکتل
۶ چنګاښ ۱۴۰۱ ه.ش
۲۸ ذوالقعده ۱۴۴۳ ه.ق
دکرنې، اوبولګولو او مالدارۍ وزارت د کرنې او مالدارۍ مرستيال مولوی صدراعظم، ننګرهار ولايت ته د سفر په ترڅ کې دننګرهار والي او د ننګرهار، لغمان، کونړ او نورستان له يوشمېر سيمه ييزو چارواکو سره وکتل او دوی ته د ځنکلونو وهنې او لرګيو قاچاق د مخنيوی طرحه تشريح کړه.
په دې سفر کې د ماليې، کورنيو چارو، صنعت او سوداګرۍ وزارتونو او د استخباراتو لوی رياست استازو دکرنې، اوبولګولو او مالدارۍ وزارت دکرنې او مالدارۍ مرستيال ملتيا کوله.
دا سفر د اسلامي امارت دحکم پر اساس او د ځنګلونو وهنې او قاچاق مخنيوی د هغه ۱۱ ماده ييز طرحې دتشريح په موخه ترسره شوې ده، چې په ګډه د ماليې، کرنې، کورنيو چارو، صنعت او سوداګرۍ وزارتونو او د استخباراتو لوی رياست له خوا جوړه شوې او د اسلامي امارت د رهبرۍ له خوا منظور شوې ده.
دکرنې او مالدارۍ مرستيال ددې سفر موخه د ځنګلونو وهنې او لرکيو قاچاق مخنيوی دطرحې تشريح او تطبيق، د طرحې د پلي کولو د څرنګوالي ارزونه اود قطع شويو چهار تراش لرګيو د لېږد په پار د ځای ټاکل وبلل.
ياده طرحه د سيمه ييزو چارواکو،د لرګيو سوداګرو، صنعت کارانو، د ځنګلوالۍ ټولنو او سيمه ييزو متنفذينو سره تر سلا مشورې وروسته ترتيب او د اسلامي امارت د رهبرۍ له خوا منظور شوې ده.
