ننګرهار کې د کنګو تبې پر وړاندې د مبارزې کمپاين پيل شو
۱۴غويی۱۴۰۰
د ننګرهار دکرنې، اوبولګولو او مالدارۍ رياست د افغانستان لپاره د هالنډ کمېټې (DCA ) په مالي او تخنيکي مرسته د ننګرهار د درو لسواليو( درره نور ،سرخرود او ګوشتې) په ٢٥ کليو کې د کانګو وينه بهوونکى تبې ناروغۍ يا CCHF د مخنيوى په موخه د کنو د له منځه وړلو په پار د ٧٥٠٠ کورنيو څارويو د درملنې او ٢٥٠٠ غوجلو دواپاشي کمپاين پيل کړی دی. ددې کمپاين موخه دکنګو تبې پر وړاندې د مالدارانو خونديکول او ددې ناروغۍ د خپرېدو مخنيوی دی.
