لوګر کې د بڼوالۍ ځنځیري ارزښت د پراختیا پروژې له خوا ۲۸ ممیزخونې جوړیږي
۲۲لړم۱۳۹۹
د کرنې وزارت د بڼوالۍ ځنځیري ارزښت د پراختیا پروژې له خوا د لوګر په ولایت کې د ۲۸ ممیزخونو رغنیزې چارې روانې دي.
دغه ممیزخونې، چې هر یوه له ۱۲تر۱۵ مټریک ټنه انګور په ممیزو بدلولای شي، د ۲۴ میلیونه، دوه زره او ۵۵۴ افغانیو په لګښت جوړیږي. د یادو ممیزخونو د جوړولو ۸۰ سلنه لګښت د کرنې وزارت او پاتې ۲۰ سلنه نور یې د برخمن شویو له خوا ورکول کیږي.
ددغو ممیزخونو د رغنیزو چارو په بشپړېدو سره د لوګر د انګورو بڼوال کولای شي، چې د کال ۴۲۰مټریک ټنه انګور په ممیزو بدل کړي.
ددغو ممیزخونو رغنیزې چارې ۹۵ سلنه بشپړ شوې او ټاکل شوې، چې تر یوې اوونۍ پورې ګتې اخیستنې ته وسپارل شي.
